231. Irigîîra Jesû rûgendo-ne

 1. 

Irigîîra Jesû rûgendo-ne,

Na ümumenye bwega utîna nkanja; 

Kinya wona mookĩa thira ûguaa, 

Ûri njare-ne yawe ûtîkarîumbwa.

2. 

Ûkaathikagîîra nteto cia antu, 

Riria uri na inya umenye bwega; 

Ni witîkîiritue umenyithie antũ, 

Jesû ni Müküüri wa kirindĩ.

3. 

Baria baari mbere rügendo-ne, 

Ndua ya mîîrî-ne baakari atia? 

Ni kwari na mookĩa rügendo-ne, 

Na mĩago na ikeno bia nthigûru.

4. 

Magita jonthe baathingataga, 

Kirundu Mütongeeria boojûri, 

Ni wathiki bwingi rügendo-ne, 

Mwanka bakiumbana ndua cia nthi.

5. 

Muntu wetu ûtîkagwatanirie, 

Unene bwa Kirundu na bwa mwiri;

Ûtibiùmbaniria ndakwerenca, 

Tigana na mwiri wîte mbere.

6. 

Na ukire na nkoro umenye bwega, 

Mathugania jaku jeendaga atia; 

Jeendaga gütiga waaga mwoyo, 

Na mwîrî jûkathikwa jwee tiiri.

7. 

Raithîrîîria Jesû mwendwa wetu, 

Riitwa riawe eetagwa "Wa Mathina"; 

Noombire magerio ona mookĩa 

Kenda tugakinya kwa Murungu.

8. 

Barîa baaregire nteto cia mma, 

Bakiuga i baboothu rugendo-ne; 

Batioona ütüûro kwa Baaba wetu, 

Kuria beetereetwe no mwanki-ne.