216. Ndua ni înene ndi rügendo-ne

 1. 

Ndua ni înene ndi rügendo-ne, 

Ninkwiraîîtie gwe Mürungu 

Mbirîgurite ntuku înjeru, 

ya kunogoka kwa atheru 

Nkagwirua mono, na nkerű inyingi 

Ndauma mwiri-ne mpumbanite 

Ndamenya bwega ndua cia mwiri na 

Thanga ya antu ni bithiri.

2. 

Rügendo-ne rürû ntina mwago 

Kana unogooko ndï o ndue-ne 

Indi ni mbiji kirigiro na kugwirua

Gwakwa ni Mwathani 

Mookie-ne jonthe na ndue-ne cionthe 

Nimbiji bwega ati ndoombana 

Ntuku ya kinya ya kunogoka 

Ntigacooka kuriikana.

3. 

Shaitani naijî kiria uri nakio 

Nkoro-ne yaku ni wonokio 

Ûtikairigwe, tontu wairigwa 

Ntuku ya kiigai ûkaarîra 

Ntuku înjeru, îu twetereete 

Jesû agacoka na Ûnene 

Arî na îota na Ûnene bwa Îthe 

Migongo yonthe ka ikaarira

4. 

No tugakinya aria atheru, 

au kathumbi ga kirima 

Ntuura îthongi ya ngwatanîro 

Na wendo bubwingï Îgürû

Tegeeni bwone mauume ja antu 

Ni jengeeretie kugambithua 

Rungama bwega ngwataniro-ne 

Nagwe ukoonokua ni Mwathani

5. 

Migongo ikoona utheru

Bwa baria boombanite rügendo-ne 

Barungamite na nguûînjeru 

Na thiru ciao iri mitwe. 

Bakigiita magamba na Jesû 

Rürige-ne rwawe rwa Onene 

Igita riu Kirundu Umütheru 

Agekumithia na wonokio.